講起跟風問題，亞Mark所持嘅觀點只得一個，若然係有市場空間的話，就唔需要有甚麼顧忌，即管去馬一試。正如早前曾經提過，話近年沙田區凝聚有一班具消費力嘅客源，豐田響當旺點開新Showroom後，瞬即成為咁多間陳列室嘅銷量之冠！有見及此，本田代理早前亦響沙田開設新Showroom，兼且重賣埋高檔嘅極品（Acura）車系；據探子回報，本田響沙田嘅新陳列室，日常人流竟直逼太子總店。而最令佢哋高層喜出望外嘅，會係近期沉寂咗一輪嘅極品新版3.2TLType-S，響沙田新店開業首數天，竟有Walk-in嘅自來客買車，而成交數量重唔止一架㖭！真係你都咪話唔寫個服字畀佢哋呀！