我Apple姐啲朋友成日好羨慕我，話我次次行街飲茶都見到明星，佢哋就往往冇呢啲「奇遇」喎。其實咁樣一啲都唔出奇，我Apple姐每兩、三日就「身痕」shopping，梗多機會撞到啲名人明星啦！
嗱！好似早排我Apple姐喺中環嘅名店Anteprima買衫，入咗間舖唔夠五分鐘，就見到紅遍中、港、台嘅趙薇同兩個助手入嚟買衫，佢份人同佢演嘅角色一樣，活潑親切，一啲架子都冇。見佢買衫都幾疏爽，一試上身覺得靚啫，價錢都唔望就同個sales話OK！結果佢嗰日買咗成八千蚊衫。啲sales見佢係明星兼咁親切，重好識做咁畀咗個九折優惠佢㖭。