呢排生意清靜，屈喺間舖又冇乜搞作，倒不如去老尖搵阿老死「象鼻」吹吓水，順便飲個Tea好過。有時就係咁㗎嘞，好日唔搵佢就唔發市，有生意咪等吓囉，點知搵到佢又俾王子發現到啲奇聞喎。
嗰個台灣佬入嚟問Sales「落機呀」5210點賣，傾啱價坐低試機。但個客順口多問一句，此機可否收聽收音機？點知位Sales就話絕無問題，5210科完水之後，順道提點位台灣阿叔係咪要聽收音機，接住就攞咗個MP3連收音機免提HDR-1出嚟。呢鑊真係妹仔大過主人婆囉，價錢就唔好講嘞，加埋5210重貴過部V70。劈舖果然名不虛傳，唔怪得知幾萬銀一個月舖租都頂到啦，王子又上多一課嘞！