佘詩曼（阿佘）、胡杏兒及王合喜等昨日到灣仔會展出席「白蘭氏加倍健康系列產品發布會」，阿佘日前在家中撞傷下顎，前日已往浸會醫院覆診。
昨日阿佘悉心打扮出席活動，她為免弄傷下顎，說話時顯得小心翼翼，又要保持燦爛笑容，難怪胡杏兒亦說：「佢好慘呀，喺裏面傾偈，佢都要忍住笑。」
而阿佘則自爆說：「我由出事到噚日都未刷過牙，但醫生有開漱口藥水畀我，不過今日要出席活動，所以今朝我好辛苦先刷咗十五分鐘牙，𠵱家只可以飲罐頭湯同食雪糕咋。」
問有否得到男性朋友的照顧，阿佘笑說：「冇呀，點知會唔會俾你哋影到呀，總之無論男性女性朋友都有打電話畀我慰問。」