一直有唔錯口碑嘅瑞典紳寶汽車，旗下一款9-3開篷車更不乏Fans嘅支持。而最近代理為要刺激銷量，更獲得廠方支持，以限量發售形式推出25部2002年9-32.0SE開篷特別版，將原來接近38萬嘅車價，一下子調低至接近30萬咋！若然有興趣擁有一部咁有貴氣嘅開篷跑車的話，就真係唔好錯過今趟機會喇！
記者、攝影：陳偉林
新車售價：$299,000
車輛提供：福方汽車（25080000）
造型典雅有貴氣嘅9-32.0SE開篷跑車，以其可靠性及穩紮車架結構，一直深受車迷歡迎，而今趟特別版僅有黑色、藍色同銀色BodyColour選擇，更見有其獨特意味！再者，一個全電控軟篷頂配搭，一按式操控上落重畀到你有一分愜意感呢！
呢部9-3特別版開篷車，配以一台2.0公升Turbo引擎，惟其獨有嘅低轉高扭力輸出，起跑加速均予人有動力充沛之感，並較一般2.0公升轎車更見動力非凡。重有，整個車廂以高級真皮鋪排，加上一體式高級音響連恒溫冷氣，絕對畀到你有愜意享受㗎！