Nike波鞋你着得多，但Nike嘅OnlineGame你又玩過未？為迎接2002世界盃，佢哋推出咗《NikeSKO網上足球遊戲》。玩家除咗可以操控24位世界級球星，透過網上連線對戰，挑戰世界各國嘅球隊外，重有機會得到6大球星親筆簽名足球一個！真係有錢都未必買到呀！
記者：朱崇德
網址：
《NikeSKO網上足球遊戲》故事背景係講述玩家所帶領嘅世界明星級隊球，被困在一艘郵輪之內（即係你𠵱家晚晚睇嗰個Nike廣告呢），並需要進行3人DeadMatch鐵籠困獸球賽；呢隻遊戲入面嘅24名參賽球員，全部都係當今足球壇世界級嘅球星（例如朗拿度、卡路士、費高、托迪、亨利及中田英壽等），佢哋個個都係Nike嘅廣告明星，絕對係掛正各球星嘅牌頭參戰！一隻Game入面有咁多世界級球星參與，真係Game壇嘅首次。
當玩家訓練好自己的SKO球隊，便可向世界任何一個角落的其他玩家進行挑戰！這個名為「網上聯賽」的3D足球遊戲，採用了一個非常特別的計分制度。每次對戰，玩家需要預選對戰分數（由100至2,000分不等），然後電腦會在全球的SKO隊伍中隨機找出一支對戰隊伍，並由電腦按球員技術級數之高低而操控，預選分數愈高，敵方Level就愈高；計分方法是挑戰者得勝可以獲得預選對戰分數，輸或平手即扣除預選對戰分數，敵方贏輸都不會加分或扣分。
佢係一隻全立體製作嘅網上遊戲，結合育成同動作兩個元素。玩家要從24位球星中揀選3人加入自己的SKO球隊，Game內有強隊弱隊之分，從每名球員的速度、準確度、力量和控球這四部分所界定，如果想升級變強隊，只要透過遊戲內一啲盤球、控球同射球嘅Mini-Game，就可以提升球員嘅能力而升級。遊戲採用登記會員制度（不需任何費用），玩家進入遊戲時要用Login密碼，每次的得分及玩家資料，網站會自動紀錄。
由𠵱家至5月31日，凡參加「網上聯賽」都有機會得到豐富獎品；首先是每星期的全球積分排名榜中的首1,000名，電腦會隨機抽出30名送上NikeT-shirt一件。
在5月31日遊戲結束時，還會在全球積分排名榜首500名中抽出20名優勝者，送佢6大世界級球星（朗拿度、卡路士、費高、托迪、亨利及中田英壽）親筆簽名足球一個；最後還有特別大獎，從榜上首100位中抽出3名優勝者，送佢全套Nike足球運動套裝、手表及MP3Player等禮品！