呢個世界錢雖然唔係萬能，但的確可以解決好多問題。話說貿發局主席吳光正，總商會主席鄭維志及偉易達主席黃子欣三個大忙人，禮拜六日一齊去東京飲王守業娶新抱餐喜宴，昨晚又應約六點半到廣州鳴泉居同市長林樹森食飯。時間咁趕點算呢？冇問題，早機飛返港再包架私人飛機飛上廣州囉。
照計東京都有機直飛廣州，使乜咁轉折？原來班次疏喎。咁包私人飛機北上參加貿發局嘅活動好貴啫，唔緊要噃，吳光正私人出，話明唔用貿發局嘅錢。鄭維志重笑笑口同八方講：唔使我哋畀錢㗎，吳主席請我哋坐㗎。八方心諗，唔通佢好意思問你哋收番咩。
用錢買時間，又真係值嘅。
E-mail：