八方噚日去有線新嘅數碼新聞中心，估唔到新聞部條走廊都可以好似《百萬富翁》條百萬大道咁，玻璃地板下面射出藍光，辦公室嘅裝修又黃又紫又橙，充滿cyberfeel。
有線趙應春同八方講，佢哋專登搵間從未做過電視台設計嘅公司，全因唔想啲裝修太傳統，四萬呎地方埋單盛惠億五。
噚日無綫助理總經理黃應士都有到場觀摩，臨走前喺成班記者面前大大聲話：「有乜理由趙應春間Office佔咗十分一咁大？吳天海俾趙應春呃啦！」趙惟有好尷尬咁解釋，話自己間房三百呎，佔百分一都冇。原來係因為趙唔帶佢參觀間房，所以先整蠱佢。
E-mail：