免費短訊網賺網絡商回佣

大家近排可有發覺，街外好多舖仔都冇歌仔入，曾經風光一時嘅鈴聲舖頭亦已關門大吉。版權呢樣嘢嘅費用都唔少嘢，睇吓網絡商家陣「單撈」一隻新歌要成八蚊就知啦！其實除咗好多公司搞鈴聲外，亦有啲老闆昅住短訊市場，就好似王子今日介紹呢個網（ http://sms.hkonline.com ），就係靠網絡商回佣而生存嘅。喺呢個網入面，大家不難搵到啲抵死金句，Click一Click就可以當短訊Send畀朋友，確係方便。家陣只要響網上登記，就可以獲得20個免費短訊，介紹畀班老死更可額外獲多十個㖭！既然唔使錢，玩吓無妨喎！