廣州東魅有四位高層涉嫌詐騙一億八千萬人民幣而被捕，香港東魅董事長譚詠麟表示四人以東魅的經營權行騙，還指東魅借了數百萬給他們裝修，如今東魅亦成受害者。
廣州東魅日前有四位高層涉嫌假借東魅名義造假帳，詐騙內地銀行貸款一億八千萬人民幣（約一億七千萬港元），昨日香港東魅董事長譚詠麟（阿倫）由美國拉斯維加斯回港，記者問阿倫當初該四人加入公司時，是否由他拉線。
阿倫說：「我同阿叻（陳百祥）成班明星足球隊去廣州踢波嗰陣識何先生（四位高層之一），當時佢對投資東魅好有興趣，於是我哋就以七位數字賣咗個經營權畀佢，估唔到佢走去招搖撞騙，我哋之前借咗幾百萬畀佢哋裝修的士高，重諗住如果佢哋冇錢還就收返佢哋嘅經營權，點知佢哋已經俾人拉咗，𠵱家都唔知要坐幾耐定係要槍斃。」
阿倫續說：「東魅嘅設施同器材𠵱家都俾上面扣住，我哋都係受害者。」至於不少香港東魅藝人因為工作量少而紛紛解約和不續約，對此阿倫說：「𠵱家公司嘅藝人大部分都係新人，係咪工作少見仁見智，合則來不合則去，走咗嘅藝人都可以再合作。」
另外，舒淇昨日由台灣來港，並透露在台北日日食麻辣火鍋，甫抵港即覺得身體不適。而朱茵和張玉珊昨日赴泰國拍攝張玉珊修身堂的廣告，張玉珊透露安雅、何超儀和蒙嘉慧將去泰國拍廣告，而黃貫中更作了一首廣告歌，由女友朱茵演繹和在泰國拍MV，故此朱茵的酬勞會比其他三位女藝人高。
採訪：魯萍
攝影：陳偉權