水貨大亨袁人祥回憶：「幾年前裏原宿熱啱啱起時，我第一個過去走水貨。幾個禮拜先飛一次，來來去去離唔開『宇宙百貨』至Wendy's快餐一帶。」
時移世易，幾年後今天，多咗唔少新手加入水貨行。飛日本由幾個禮拜變成每個禮拜一次，地方亦多好多，幾日行程已去唔晒。
袁人祥：「以前邊使離開Wendy's？𠵱家就要由Wendy's轉出表參道，即刻跑埋去南青山BusyWorkshop，成身散晒。𠵱家Undercover又搬埋，雖然只係幾步路但腳仔已軟。」抽一口水貨煙，略有感觸繼續：「可能附近居民投訴，𠵱家南青山唔再畀排隊。未開門時，店長會企喺門口趕人。排隊黨只好喺附近徘徊，搭正11點就成班人衝入去，打崩頭為搶靚貨。我點夠啲後生爭？上個禮拜就撞瘀咗個膊頭。」可能抽煙太用力，咳了幾聲，證明吸煙危害健康。
「長江後浪推前浪，係時候停低。」袁人祥感性咁話。
主持人：大食Jack
八卦熱報：