彭丹前晚自北京返港，她表示剛完成內地的動作片《拒絕末日》，彭丹說：「上次拍劇受傷之後，呢套都算係受傷後嘅第一套動作片，劇裏面金雞獨立嘅動作，都係自己做番，今次喺劇入面扮演公安，內地規定所有扮演公安嘅演員都要查核身分，所以我喺美國同香港嘅屋企嘢都要查。」
被問到有否留意早前有關羅兆輝的新聞時，彭丹說：「我淨係睇財經新聞咋，我同佢相識，但係唔熟，至於你哋問我有冇同佢影過相，我唔記得啦，不過影過都唔奇。」
此外，蔡少芬昨日亦自濟南拍劇返港，她說：「套劇《奪命遺產》已經喺內地拍咗兩個幾月。」最近台灣大地震，記者問蔡少芬可有與前男友吳奇隆聯絡，她說：「唔講啦！唔講啦！」