由於近年香港青少年食煙嘅現象有上升趨勢，聯合國兒童基金香港委員會同幾個團體，今日開始設立全港首個青少年反吸煙網頁，重搞咗個創作比賽，題目係「假如我係特首，我會用乜嘢方法防止青少年食煙？」主辦單位今日重請咗董特首主禮，將印住「吸煙可致命」、「吸煙禍及子女」等宣傳警告字樣嘅大煙模型放入碎紙機，象徵要毀滅香煙呢樣毒物。
不過八方就諗，請董特首嚟作為反吸煙典範，好似唔多夠說服力，雖然聽聞董生細個嗰時都曾經食過煙仔，後來戒咗，但畢竟冇人見過佢食煙。
如果請到人盡皆知嘅「大煙鏟」發叔黃宏發，或者成日擔住口大雪茄嘅「食力簡」嚟，即場同一班少年煙鏟一齊宣誓戒煙，咁就事半功倍得多了。連佢哋都肯戒，邊個重食煙呀？
E-mail：