阿董成功連任後，唔少民主派人士都牙痛咁聲，擔心官商勾結情況愈來愈犀利。
民主黨立法會議員何俊仁噚日出席由民生聯盟舉辦嘅預算案研討會時，一講起阿董，就忍唔住激動爆粗，大大聲提醒佢處理香港事務時，唔好好似處理佢家族生意東方海外咁，做到咁「仆街」、咁殘，搞到周圍撲水。
何俊仁爆粗，而李卓人則口沒遮攔。話說研討會其中一名講者，理大應用社會科學系講師張超雄講笑話財爺梁錦松搶咗國寶伏明霞之後，搞到內地人好唔高興，一向口多多嘅阿人突然喺台下插嘴，指香港都可以嫁番個過去補數，邊個係最佳人選呢？阿人提議出名愛國兼至今雲英未嫁嘅律政司司長梁愛詩。
E-mail：