講開國泰，原來要做佢哋嘅空姐都唔容易，尤其係國泰對髮型嘅要求，重嚴格過對中學生。據規定，國泰五千五百名機艙服務員，一律禁止染髮、鬈髮、梳前衞同凌亂嘅髮型，或者弄出一頭色彩強烈嘅頭髮；空姐要避免用毛毛球、花飾同鑽石髮夾等髮飾。至於空中少爺，就連梳阿董最愛嘅平頭裝都唔得！國泰聲言，呢啲要求已較好多航空公司寬鬆得多，而公司都會定期檢討髮型政策以配合潮流。
不過，講番轉頭，做國泰空姐唔單止可以周遊列國，𠵱家重連日劇都有份拍！好似就快推出嘅日劇《SeeyouinKowloon》，由日本人氣偶像河村隆一同石田百合子主演，當中就有兩位國泰空姐粉墨登場，扮番空姐。國泰嘅宣傳連日劇都入侵埋，真係要寫個「服」字畀佢哋。
E-mail：