憑一隻偷拍性愛光碟而一度登上全球網上瀏覽人名榜首嘅台灣女主角璩美鳳，前排去咗新加坡同內地登台，聽講引咗唔少麻甩佬捧場，呢股璩美鳳旋風近日終於吹到香港。
八方收到風，璩美鳳今日會到香港停留兩日，而今晚七點重會上新城電台接受《今夜陽光燦爛》節目主持人顏聯武訪問；兩日後又會再嚟，應邀喺紅館登台，做「長腿姐姐」葉楓嘅嘉賓。
八方雖然唔係「道德重整會」嘅成員，又唔會歧視任何人，所以唔會反對璩美鳳嚟香港，但八方真係諗唔明，呢個靠性醜聞博出位嘅女人唱唔唱得，跳唔跳得？
照計如果佢冇乜嘢本事，都唔會有咁多人請佢登台啩，唔通請佢上台講鹹濕古仔咩？
（圖）璩美鳳早前到新加坡和內地登台，吸引到唔少麻甩佬捧場，呢股旋風今日終於吹到香港。
E-mail：