自從丈夫阿鴻半年前失業後，任職清潔的許春娟勤奮工作，希望為家人提供安穩生活，詎料月前她在工作期間由高處墮下，頭部重傷慘變植物人，一家生活頓陷困境。阿鴻及六歲兒子龍仔終日在母親耳邊呼喚，期望奇迹出現。
「老婆，快啲醒啦，我同個仔嚟睇你呀。龍仔，快啲叫媽咪啦！」抱着兒子龍仔的阿鴻用手輕拍妻子阿娟的臉龐，只見阿娟無意識地張開眼睛，目光呆滯，眼角流出一些淚水，對於丈夫及兒子的呼喊絲毫沒有反應。
「佢已經昏迷咗兩個月，都未曾清醒過，雖然有張開眼，但唔認得人，醫生話佢情況唔樂觀，即使醒番都可能變成殘廢。」四十六歲的阿鴻悲痛地說。
阿鴻歎道，他原任職酒樓燒味部，惟半年前酒樓結業後無法找到工作，一家三口的生活重擔便落在任職屋邨清潔的四十七歲妻子身上。意外於月前發生，當日阿娟接龍仔放學後，一同前往鴨脷洲邨開工，惟當她在大廈一樓平台清掃垃圾時，不慎失足墮地，以致頭部重傷、左手腕骨折斷。
「我嗰日淨係聽到『嘭』一聲好大聲，擰轉頭就見媽咪瞓咗喺地下，個頭流好多血呀。」龍仔憶述當日情景，猶有餘悸。阿鴻表示，龍仔可能受驚過度，近日睡覺時仍會不時發噩夢而哭醒。
阿鴻一家三口居於破舊的木屋，生活本已十分清苦，如今阿娟重傷昏迷，只靠其妻僱主發放五分四的工傷病假錢及社會福利署的傷殘津貼維生，繳付二千元屋租及兒子千多元的幼稚園學費後，已經所餘無幾，一日三餐已經好成問題，遑論應付阿娟的醫療開支。
「除咗每日六十幾蚊住院費外，佢𠵱家大小便失禁，一日要用成十條紙尿片，一個月已經要千幾蚊；另外，我日日要嚟睇佢，同佢按摩手腳，車費開支都好大。就算過得今個月，下個月都唔知點算！」阿鴻歎道，現時他要父兼母職照顧龍仔，其妻一日尚未康復，他都無法外出工作。
蘋果日報慈善基金有見阿鴻經濟陷困，即時撥款八千元，減輕其生活負擔。
捐款編號：C0509
暖流熱線
電話：29908688
傳真：23702192
電郵：
網址：