好多人都知道，香港紅十字會經常捐錢同物資返國內賑災，呢啲錢係由六百萬香港人你一蚊我一蚊咁集腋而成，代表住香港人對國內同胞嘅關懷，但你又知唔知，過去十年香港紅十字會總共捐咗幾多錢返大陸？話你知，總共有成五億二千萬。
為多謝香港人對國內嘅長期無私捐獻，中國紅十字會前幾日喺山東省府濟南開會時，就頒咗個「特別貢獻獎」畀香港紅十字會，由中國紅十字會會長兼人大副委員長彭佩雲頒獎。香港紅十字會會長董太趙洪娉同主席楊鐵樑率領一個二百人嘅代表團，專登飛去濟南領獎，楊官重上台以推動志願精神為題作專題報告㖭。
（圖）董太（右）、楊官（左二）和香港紅十字會總監林胡秀霞（左）在濟南接受中國紅十字會會長彭佩雲（右二）頒發的特別貢獻獎。
E-mail：