苑仔男友背脊遮羞

苑仔男友背脊遮羞

苑瓊丹(苑仔)最近與友人合資過百萬元,在尖沙嘴開設一間按摩院,昨日苑仔與一班好友在店內拜神,而苑仔貌似張正甫的圈外男友亦有到場支持,但他似乎仍未習慣面對鏡頭,幾經苑仔要求下,這位翻版張正甫才肯以背面示人。

處處維護
苑仔昨日處處維護男友,她說:「佢唔係圈中人,所以唔想出鏡,大家影背面算啦!」而苑仔的好友則在旁向他開玩笑地說:「鬼叫佢溝明星咩,畀個正面人哋影啦!」苑仔聞言即笑着說:「係我溝佢先,唔係佢溝我。」
採訪、攝影:卓美娟