QDII計劃，又再有報章炒熱。近日最早大字標題講呢單嘢嘅係《文匯報》，上禮拜四報道，話計劃有望8月前推出，且可能喺7月1日回歸紀念日前宣布。
以《文匯報》嘅背景，呢類新聞好多人信，上禮拜四喺國內有做股票生意嘅申銀萬國（218）同第一上海（227），已先行彈出。
QDII如果真係快趣推出，唔少股票都會得益，當中肯定有中移動（941）。中移動市值夠大，PE低過其他兩隻電訊股，喺內地知名度又夠高，同消費者接觸亦最多，必然會成為內地認可金融機構買入嘅主要對象之一。
中移動Call輪，係時候收集定，等正股上升帶來收穫。各輪中，主角對象來來去去必然都係9044同9029。
招商局（144）上禮拜五收6.20元，只係僅僅升1格或5仙，但隻Call輪9131則升近1成。
9131今年9月到期，現價70仙，溢價6.7%，槓桿率8.9倍。近期由90仙以上散落嚟，而正股又唔係點跌，溢價縮晒。正股個勢向上，9131值得買番些少。
章 盛