繼全球行政總裁會議決定喺香港召開後，又有一個國際性會議選址香港。「第十六屆世界會計師大會」決定喺十一月十八日一連四天喺香港舉行，今屆主題係「知識經濟與會計師」。
講開呢個世界會計師大會，其實係由「國際會計師聯會」發起兼協辦組織，每五年舉辦一次。呢個聯會嘅會員，來自一百一十四個國家及一百五十六個地區，會員人數超過兩百萬，所以估計，年底將有數千名世界各地嘅會計師到香港出席盛會。
大會籌備委員會主席兼會計師黃匡源同八方講，香港會計界一直希望主辦呢類盛會，這次世界會計師大會能夠喺香港舉行，適逢大陸加入世貿組織，正好宣傳一吓香港協助外商進入大陸的專業服務。
不過，八方好想知呢批來自世界各地嘅會計師，對安然事件嘅影響有乜高見。唔知開會時，重有冇安達信嘅人喺度呢？
E-mail：