墮入愛河嘅財爺同霞妹真係甜蜜蜜,一日不見如隔三秋,趁短短幾日復活節假期,阿松都嗱嗱聲撲上京城會佳人,點解咁擒青?據聞原來今次係阿松嘅大日子,因為霞女嘅父母由湖北遠道赴京探女,阿松今次專程上京第一次見家長,話唔定重會即時求埋婚,定埋佳期,怪唔得緊張到連公務都唔記得交帶啦! 不過,八方覺得,阿松今次離港拍拖但又冇安排好署理官員確係唔妥,八方當然希望阿松蜜運成功,但拍拖唔係大過天嘅,點可以唔講聲就走,萬一真係咁啱索羅斯又嚟偷襲香江,臨時臨急聯絡唔到佢,咁咪大鑊? E-mail:[email protected]