「啲人好衰好賤格！」
張燊悅指王鋒戀玩完　阿菲最慘

張燊悅早年和謝霆鋒合作拍攝《撻出愛火花》時，兩人曾傳緋聞。記者昨日問及張燊悅對張柏芝介入謝霆鋒和王菲的戀情導致兩人分手時，張燊悅竟說：「阿菲好慘，啲人好衰，好賤格！」似乎把矛頭指向霆鋒。

張燊悅（Nicola）昨日往尖沙嘴海港城出席adidas宣傳活動任嘉賓。對於謝霆鋒與王菲分手，及有傳張柏芝是第三者一事，張燊悅說：「唔知呀，事不關己，己不勞心。但係我覺得阿菲好慘，好似冇人錫咁，啲人好衰，好賤格！」

「站在fans立場」
Nicola此言莫非是鬧霆鋒？她說：「唔係，感情嘅嘢係兩個人嘅事，我唔方便評論，因為阿菲係我偶像，我只係站喺fans立場睇，希望阿菲開心啲。」
至於會否相信柏芝是第三者？Nicola說：「唔知呀，點知啫，我覺得柏芝好聰明，會知點去處理。」
而Nicola亦曾傳是謝霆鋒緋聞女友之一，不知謝霆鋒是否亦曾追求過Nicola？Nicola反應很快地道：「唔准講，唔准問，唔講呢啲嘢！」
其實，謝霆鋒與張燊悅於九八年二月，因合作拍攝無綫電視劇《撻出愛火花》，而傳出二人拍拖傳聞。

小春拒談霆鋒
此外，陳小春早前被傳力追柏芝，但伊人卻情傾謝霆鋒，陳小春跟情敵謝霆鋒日前在台灣的反盜版大遊行碰面，二人都黑面示人。
小春昨晚從台灣回港，記者問他可有跟柏芝聯絡，他並沒有回答。那為何在台灣反盜版大遊行上黑臉兼扁嘴，小春說：「邊度寫㗎？你問番報紙。」問小春可相信「鋒芝戀」？他說：「問番報紙。」
採訪、攝影：陳梅香