四十歲的阿銀，丈夫上月因肝癌去世，遺下一對在學兒女，愁對未來；在絕境中，阿銀三母子獲善長伸出援手，助他們跨越難關。
「前排要四圍頻撲搞阿豐身後事，心情好差，有日過馬路嗰陣差啲畀車撞親，嚇到成個人跌喺地，𠵱家就算行幾步路都覺得兩個膝頭好痠痛，再咁落去想唔睇醫生都唔得。」面容憔悴的阿銀說。
阿銀的四十七歲丈夫阿豐，上月罹患肝癌逝世，遺下兩名七歲及十歲在學子女，孤寡三口現倚靠綜援金維生。「我同對仔女今後三餐應該唔成問題，但一諗到佢哋咁細就無咗爸爸，我就好難過！」阿銀慨歎，雖然丈夫阿豐已入土為安，但她悲傷的心情尚未平復下來。
早前，阿銀因無力葬夫，蘋果日報慈善基金曾於「殮葬專戶」撥款二萬元協助。
日前，記者將讀者合共四萬五千零一元的善款轉交阿銀簽收，她感激地說﹕「𠵱家經濟唔好，都有咁多捐款畀我，請幫我向各位善長講多幾句多謝！」
捐款編號：C0499
四十七歲百病纏身的陳女士，早前不慎遺失綜援金，與智障兒子面臨三餐不繼，一度彷徨無助；尚幸人間有情，不少善長向這位苦命媽媽送上關懷，改善困境。
「我都唔知自己可以捱多幾耐，最近成身都腫晒，𠵱家最擔心有乜事，業仔冇人照顧。」陳女士氣若游絲地說。
一生坎坷的陳女士，早年與丈夫仳離，現和十九歲患有輕度智障及自閉的兒子相依為命。長年累月的精神壓力，導致陳女士患上抑鬱症，加上肝病及甲狀腺腫脹的折騰，令她終日卧牀不起，無法工作，母子被迫靠綜援金生活。
月前，業仔往銀行提款後不慎遺失了二千多元，令二人貧困的生活更雪上加霜。蘋果日報慈善基金較早前已撥款二千三百元助度難關，近日再接獲讀者捐款合共八千九百元，已轉到陳女士手中。「一路以嚟，我堅持唔入醫院，係因為怕冇人照顧業仔，𠵱家有咗呢筆錢，我會考慮請個人返嚟暫時睇住佢，等我可以安心入院，好好檢查一下，多謝晒你哋。」陳女士衷心道謝說。
捐款編號：C0437
暖流熱線
電話:29908688
傳真:23702192
電郵:
網址：