今個星期有唔少港片推出，包括有《無限復活》，《嫁個有錢人》等等，但最好賣都係《邊緣特訓》，有唔少舖頭更慘叫《無限復活》、《嫁個有錢人》唔掂，冇計，一出街個個玩冧價，以旺角區更嚴重，一條街五間舖可以差十蚊，最平見過$38隻，係DVD喎，而且《嫁個有錢人》重俾人封做鄭秀文最差之作，連DVD都要冧價救市。反而《無限復活》重有食力，因為睇過此片的朋友都話係電影改錯名，套戲內容唔差，無奈兩位主角張柏芝同鄭伊健都係近日是非人物，街坊完全提唔起購買慾，個個轉睇西片，所有奧斯卡片都即刻旺番轉頭，帶起埋《天使愛美麗》同《天擊戰線》，順便一提隻三區《天使愛美麗》係單碟，跟法版雙碟不同，想買原汁原味雙碟版，就要等韓版或者美版了。
文：畢仁
第一位：邊緣特訓 3區DVD $88
第二位：天使愛美麗 3區DVD $130
第三位：天擊戰線 VCD $49