最近,豐田嘅香港代理為響應政府改善香港空氣質素嘅計劃,故特別引入全新Coaster石油氣公共小巴抵港,而且重有多部新車更已經投入服務行列㖭。
Coaster石油氣公共小巴嘅外形,與原有嘅柴油型號相近,同樣來得美觀得體;闊大擋風玻璃亦能給予駕駛者有更佳視野範圍,當然唔少得重有特大嘅車頂目的地顯示牌箱啦。寬敞嘅車廂通道,配合闊大車門設計,乘客進出車廂變得輕鬆又方便,而冷氣出風口嘅數量,更能照顧車上每位乘客嘅需要㖭;另外,行車時亦較原有柴油型號來得寧靜,從而為乘客提供一個更舒適及寧靜嘅乘車環境。
新車一台4104cc直4OHV偈,馬力達116ps/3600rpm,又能提供達31.2kgm/2000rpm嘅扭力,加上5前速手波配搭,無論起步加速都可有敏捷嘅表現;特大嘅氣缸容量,除可減少需要經常到氣站入氣嘅問題外,多項安全設備亦可確保喺入氣或行車時嘅安全性。如各位對Coaster石油氣公共小巴感興趣的話,不妨致電28801482向皇冠汽車公共車輛部查詢一下㗎。