張豪龍、陳松伶（松松）和葉童等，昨日在黃大仙鳳凰新邨，為電影《一屋貪錢人》拍攝煞科戲。現場所見，豪龍頻頻食螺絲，導演NG多次，事後豪龍解釋說：「我自己講嘢一向有啲漏口，加上自己好少拍喜劇，所以成日食螺絲。」
問豪龍對日前謝霆鋒力撐其母及胞姊張柏芝並非第三者一事有何看法時，豪龍說：「呢啲係佢哋嘅事，我今日早開工，只係睇過標題，其他一概唔知。」
如此說法，他豈非對家姐的事漠不關心？豪龍反駁說：「如果咁問法就唔係關心，而係八卦啦！」
此外，松松在片中乃飾演豪龍的貪錢家姐，她表示現實中自己並非貪錢之人，由於她連信用卡也沒有，及甚少帶銀包出街，身上往往只有數十元，以致不時要問人借錢度日。