今年五月上任個人資料私隱專員的鄧爾邦，出身執業大律師，佢噚日接受飛哥「飛常正經」訪問，暢談職業上的轉變，佢話「有時人會做自己以為唔做嘅嘢」，由大狀轉做私隱專員便是一例。
鄧大狀認為，法律工作基本上非黑即白，灰色地帶較少，但作為私隱範疇的監管者，好多問題難一刀切，視乎點平衡各方利弊，唔係個個都啱做。對於目前工作，佢認為充滿挑戰性。
私隱專員公署90年由政府成立，𠵱家有多個棘手及富爭議性議題做緊諮詢工作，好似僱主在工作地方安裝攝錄機、閉路電視等是否侵吞僱員私隱，父母對未成年子女的資料知情權、智能身分證日後裝載個人資料與私隱的平衡等，相信鄧專員一定覺得好有趣味。
E-mail：