東華三院前晚於尖沙嘴洲際酒店舉行董事局聯歡晚宴，結婚年半的王馨平偕同丈夫出席，王馨平表示十分享受少奶奶生活，現階段努力做運動，養好身體預備生兒育女，閒時更喜歡唱卡拉OK，最愛唱林憶蓮和蕭亞軒的歌。
結婚年半的王馨平與從事金融工作的夫婿李先生，前晚以嘉賓身分出席於尖沙嘴洲際酒店舉行的東華三院董事局聯歡晚宴，其他嘉賓包括大生銀行家族成員馬清純千金陳祖泳和著名畫家劉宇一千金劉浩眉等人。
王馨平表示前晚是經陳美齡胞弟、東華總理陳宇齡的母親邀請而來，她說：「唔講大家唔知，陳媽媽係我同老公嘅媒人，我哋交情唔錯。」
王馨平表示十分享受現在的少奶奶生活，她說：「𠵱家嘅生活好充實，每朝早我送完老公返工之後，我就約埋一班太太好友，喺舊山頂道嘅會所打網球，每日打兩個鐘。我嘅球技大有進步，重有參加會所嘅網球比賽㖭。我亦有游水同騎馬，身體好咗之餘，重瘦咗七磅㖭。」
王馨平又表示不排除稍後會找工作，她說：「我唔想同社會脫節，但係就一定唔會復出唱歌。我雖然對唱歌重好熱愛，但係平時去卡拉OK已經過足歌癮啦！」問她是否選唱自己當年的歌曲，她哈哈笑說：「梗係唔係啦，我最鍾意唱林憶蓮同蕭亞軒嘅歌㖭。」
問王馨平與丈夫有沒有生育計劃，她說：「我哋重想過吓二人世界先，況且我見我啲女性朋友，一結婚就生BB，身體未有調理過，個BB嘅健康狀況就麻麻哋，所以我想養好身體，遲啲先生。」