梅艷芳的十場紅館個唱，今晚將正式結束，不過為阿梅個唱造四對鞋的陳先生，卻遭阿梅個唱服裝設計師劉志華，拖欠近五位數字做鞋費用，更遭彈票。
梅艷芳（阿梅）十場紅館演唱會將在今晚結束，阿梅所穿的服裝成為焦點所在，今次幫阿梅設計服裝的是本地名設計師劉志華，亦即時裝店SPY的老闆，而劉志華則找了一間造鞋公司幫阿梅訂做四對鞋。
造鞋公司負責人陳先生昨日稱早前交鞋時，劉志華竟不願付近五位數字的欠款，並出現搶貨情況，最終要報警解決。最後劉志華雖然已付上支票，但卻是一張空頭支票，陳先生始終收不到錢。據悉梅艷芳個唱製作單位，早已付錢給劉志華。
陳先生昨日在其中環辦公室，向記者出示一張已彈票的銀行支票，及劉志華向其公司為阿梅所訂做四對鞋的圖樣。
陳先生說：「其實佢哋唔係第一次拖數㗎啦，每次都拖成半年先還，原本我都唔想再做佢地生意，但係今次劉志華特登上嚟公司叫我哋幫手，咁有生意冇理由唔做，阿梅之前都試過兩對鞋，都係佢設計嘅，不過阿梅話唔穩陣，因為佢要跳舞，所以再造過四對。」
陳先生續表示得知收到的支票無效時，便即時找劉志華，但劉志華表示鞋質素有問題，不會找數。陳生表示阿梅已穿了那四對鞋在台上表演，而且亦有送貨單的紀錄，所以他已交由律師處理，而陳生坦言：「我哋幫過好多歌手嘅演唱會造鞋，好似郭富城、容祖兒、劉德華同梁詠琪等，都未試過有收唔到錢嘅情況。」