財經雜誌《褔布斯》經常搞各類全球公司選舉，八方剛就收到該雜誌選出今年全球四百間Ａ級公司。呢個選舉已有四年歷史，今年香港有四間上市公司入圍，除咗喺內地做流動電話嘅中國移動之外，其他三間都係以本港為主要收入來源嘅公用股，包括中華煤氣、中電控股同香港電燈。佢哋點解咁威水可以晉身全球四百間Ａ級公司？
首先，佢哋嘅市場資本額或年銷售額需要達到五十億美元；第二，就係整體公司嘅盈利表現，除要睇公司過去五年平均股東回報率表現外，重要睇佢哋嘅營業額增長、五十二周股價表現及今年市場對該公司的盈利預測。
E-mail：