莫文蔚最近應法國名牌Celine邀請，出席該牌子在法國舉行的「2003年秋冬時裝展」。莫文蔚除了可率先欣賞最新的時裝外，法國總公司老闆認為她身形好，即場送她簽帳額，可隨意在法國的旗艦店揀靚衫，更留了一件獨一無二，本來只限在時裝展穿着的戰衣送給她。
莫文蔚因為電影《墮落天使》的關係，一入場即被很多日本人認出，在場的時裝界人士雖然不認識她，亦紛紛邀請她合照。
莫文蔚說：「今次我嚟法國，一心只係想睇Celine嘅秋冬新裝，都冇諗過可以入後台同設計師見面，重可以同佢合照，真係好開心。本來老闆畀我去舖頭揀衫，我已經好開心，點知驚喜一浪接一浪，今次我真係滿載而歸。」