張學友前日出席完台北舉行的反盜版大遊行後，昨日便匆匆回港，甫出閘便有大批fans迎接。有傳星皓老闆王海峰指學友太少出席電影《男人四十》的宣傳活動，以致票房未如理想，學友對此笑說：「宣傳我就做咗好多，我拍過六十幾部戲，最多宣傳就係呢次，至於票房差，可能套戲根本就唔夠商業元素。」
被問到宣傳海報上惟獨只有學友及林嘉欣，學友說：「冇辦法！我又唔係老闆，唔通影過晒咩。」此外，昨日關詠荷、吳啟華和女友金巧巧等分別回港，關詠荷表示剛從杭州拍完劇。而前晚梁婉靜則偕丈夫雙雙離港外遊，對於記者的提問均顯得相當迴避。
採訪：甘比、何永寧
攝影：陳偉權、陳炯威