「我當日鬧肥彭冇鬧錯！」眼見當年嘅「千古罪人」今日搖身一變成為中南海貴賓，當年有份臭罵肥彭嘅鄔維庸，今日則心情輕鬆當睇戲。
鄔老同八方講，佢當年冇鬧錯肥彭，但肥彭身在其位，為英國利益出發亦唔算做錯。彼一時也、此一時也，對於當年中方好似潑婦咁鬧肥彭係「妓女」、「千古罪人」咁激，鄔老更加大笑咁話：「做戲之嘛！」而家陣江總同肥彭笑騎騎坐喺中南海作老友狀，佢就坦言其實兩個都係做緊戲，皆因政治人物吓吓攞個真心出嚟，咪好唔得閒？
真係一言驚醒夢中人，原來我哋嘅國家領導人咁好演技，唔怪得八方次次喺鏡頭前見到江總，都覺得佢好似做緊「棟篤笑」咁，好過癮。鄔老重不忘順便踩香港政客兩腳，話佢哋嘅演技同江總、肥彭比起來，簡直好似幼稚園學生咁低級，完全未夠班。
E-mail：