薛家燕（好姨）昨日在無綫電視城拍攝劇集《皆大歡喜》，談到謝霆鋒和王菲分手一事，好姨說：「我個細女係霆鋒fans，早排霆鋒開演唱會，個女重叫我幫佢攞飛。前幾日佢做做吓功課，突然間問我霆鋒係咪真係咁花心，我話我都唔知，問佢使唔使我幫忙查吓，佢話唔使，但個樣就好唔開心。我同佢講話霆鋒未必係咁花心，佢咁大個人自己會解決問題。」
問好姨可相信霆鋒一腳踏兩船背着王菲跟張柏芝拍拖，她說：「應該唔會嘅，應該係一個還一個。四哥謝賢以前都係一個還一個，不過佢就真係幾花心嘅。」
此外，黃霑（霑叔）昨日往中央圖書館，出席《愛拼才會贏》閱讀高峯會之「尋找我的偵探」活動，大談其讀書心得。
對於近日《獅子山下》重播收視高企，霑叔不禁歎說：「咁𠵱家啲電視製作人員真係要反省吓啦！我覺得𠵱家啲年輕人應該要睇吓呢部劇，等佢哋憶苦思甜，始終𠵱家啲後生仔唔明以前啲人點艱苦。」
問到霑叔對霆鋒與柏芝的戀情有何看法時，霑叔說：「名人生殖器官交配，與我無關，關我×事，呢啲新聞係妖孽先至睇，做乜要匿喺人哋牀下底睇人哋啫。」
採訪、攝影：楊潔雯