水貨佬出名算死草，之前靠信用卡賺積分換機票以為已係代表作。𠵱家則流行申請「資訊科技」張「黑卡」。
聽店長S講，張卡去到日本好威，因為似AE嗰張好難申請嘅黑卡。日本店長霎眼睇經常誤會，招呼都唔同，立正致敬咁滯。
水貨老闆最愛「資訊」張黑卡另一原因，就係個簽帳比賽。憑卡組團參加，最高簽帳額嗰隊即贏一萬蚊兼免費遊東京。如果贏咗即可零成本走貨。佢哋要贏個比賽話咁易，入貨時不斷用同一張卡即可；甚至返自己舖頭狂碌，都係兩個巴仙手續費重可套現㖭。普通客好難同佢哋鬥。
可惜比賽已完結，不過𠵱家申請都送三百蚊無條件「資訊科技」現金券，店長S話愛嚟入貨最抵。走去補些少錢買對「關刀」，轉手又賺成個開。
主持人：大食Jack
八卦熱報：