奧迪A2小車自推出以來一直備受車迷追捧，據聞香港代理亦有意將之引入；但奈何A2車系本身，只有1.2公升柴油、1.4公升電油或柴油引擎供選擇，或未能滿足部分車迷要求。故此，奧迪便於早前某國際性車展上，展出配用1.6公升FSI直接噴注電油引擎嘅A2，備受在場車迷注目。
從相片中可以睇到，改為配用一台1.6公升FSI電油引擎嘅A2，外表與其他普通A2相似，就連車廂配搭及布局亦相類似；但佢嗰台1598cc直4FSI電油引擎，除能輸出110ps/5800rpm馬力，以及15.8kgm/4500rpm扭力外，同時亦符合咗Euro4廢氣排放標準，而符合環保嘅原則。加上車重只有995kg，以及用上5前速手波作傳動裝置，故此相信新車嘅性能表現，絕不比其他同級車遜色。未知香港嘅代理，有無興趣將之引入呢？