由新加坡上市公司IPC全資持有，珠海英格仕房產開發有限公司發展，位於珠海嘅大型度假式住宅樓盤旭日灣花園，賣點係採用亞熱帶式園林設計，講求新加坡式休閒生活品味，不過，唔知港客點睇呢？個盤由即日起至本月12日接受內部優先認購，連裝修售價50餘萬元起。
美聯物業3月份嘅佣金收入達1億元，不少是來自豪宅部門，期內美聯促成嘅2000萬元以上豪宅個案，如淺水灣道3號2個單位，成交價2160萬及2388萬元，而南區玫瑰園2及9號屋，成交價共6750萬元。
由新地（016）及信德（242）合作發展嘅長沙灣昇悅居，噚日為示範單位主持剪綵，雖然以香薰為賣點，但蘭西就對個樓盤模型較感興趣，因為個模型好大，唔單止可以旋轉，而且重可以慢慢下降然後收埋。唔知發展商整呢個模型嘅目的係乜？蘭西覺得若用嚟當表演，話唔定都會係賣點之一。
蘭西