地球係圓形，欖球係欖形，樹係柱形，咁乜嘢係最多形？人大代表曹宏威博士出呢條咁學術嘅題目，就考起晒《智在必得》嘅參加者，等佢哋冇咁易贏到大獎。
噚日喺華革會見到曹宏威，佢叫八方記得睇今個禮拜日嘅《智在必得》，皆因佢有份做嘉賓，重出咗兩條題目。咁究竟乜嘢係最多形？生化系嘅曹博士終於開古，就係ＤＮＡ嘅「雙螺旋形」。
另一條就易啲，曹博士問，人會願意將邊一種毒放入口？咪就係補牙嘅水銀囉。個節目已經錄影咗，星期日播出呢集叫「智奪黃金屋」。得勝者會有洋樓一層，所以話，都係有腦最實際。
（圖）曹博士出題考人，少啲學術根底都唔識答。
E-mail：