地鐵公布由SCMP集團奪得沿線車站內的雜誌經營權，而由周融等創辦的《Recruit》招聘雜誌，即將同合作十年的地鐵拆夥，冇咗發行網，圈內圈外人士都好好奇，究竟《Recruit》可以點搞落去?
點知，《Recruit》卻高調地宣布，過去受到地鐵發行網限制，無辦法接觸其他交通工具的市民，故會於七月五日開始，透過全新網絡免費派發《Recruit》予市民，實行轉危為機。
近日《Recruit》又有新搞作，就係邀請所有讀者及未來讀者，猜猜於七月五日開始，《Recruit》會喺邊度派發？猜中有機會贏得黃金禮券五千元，名額五個，詳情刊登於《Recruit》及宇宙熊貓網。呢一招既留住讀者，等佢哋知道第日喺邊度有《Recruit》派，又乘機製造新聞，連八方都忍唔住同佢寫下，佢哋嘅危機管理意識，實在值得各行各業參考。
E-mail：