林漪娸、林其欣及戴志偉等昨日出席無綫的《四月星辰》活動，一眾同是四月出生的無綫藝員，在電視城中菜廳舉行生日會。
前年六月，林漪娸及其退休高級警司丈夫譚德榮，曾因涉及一宗外圍馬案件而被拘捕。而本月十九日出生的她，早前收到一份特別的生日禮物，林漪娸說：「上星期收到ICAC（廉政公署）寄嚟嘅信，話我老公單case已經正式closed，呢單case已經煩咗成年幾，重無辜辜做咗咁多日頭條，其實我都好質疑ICAC嘅做事手法，作為市民協助調查係應該，但係佢哋拉人就咁高調，𠵱家冇事就靜雞雞寄封信嚟，始終我哋係公眾人物，傷害性會比較大，而且淨係律師費都花咗我差不多成年嘅人工。」