近期動作多多嘅平治車廠，自推出新一代E-Class而大收旺場後，最近又公布咗更多關於全新VisionGST概念車嘅資料，並惹來不少車迷對其感興趣㖭。
據廠方嘅新聞稿中指出，VisionGST呢個名字入面嘅GST係解作GrandSportsTourer，而此車嘅類別亦與現存嘅SUV相近，並集旅行車、多用途車嘅特性於一身，從而表現出佢實用嘅一面；另外新車亦擁有一個極富動感嘅造型，望落夠晒吸引。至於車廂方面，經過特別設計嘅座椅，配合上寬敞嘅車廂空間，除能令乘坐舒適度倍增外，車內嘅設備配搭亦見齊全，兼且與車身一樣，同樣被設計得極富CyberFeel，真可謂方便易用又吸引㗎。
不過相信最吸引嘅，應該會係一台由AMG提供嘅5.5公升V8引擎，馬力輸出高達360匹，另外更備有多項先進配備，如SensotronicBrakeControl及Airmatic氣壓懸掛等等，從而令新車可有更出色嘅性能表現。若然此車能正式投產的話，定能惹來不少車迷垂青㗎。