我肥師奶比「精明眼」更精明，早兩日喺鑽石山鳳德街市內，被我發現，佢不斷推出特價貨品吸引客人。喺呢度以二十元可買三磅凍肉，而且選擇多多。幾樣雞類的凍肉包括雞扒、雞全翼、雞槌、雞翼尖和雞腳全部同價，而且可以隨喜好任作選擇，唯一條件係要買滿三磅。
另外，原價每磅$35嘅美國肥牛，分成每包半磅的包裝賣，買頭一包，正價$17/包，由第二包開始，無論買多少包，都一律$10/包，計落有着數。
銷售點：鑽石山鳳德街市42-43號鳳德凍肉
我肥師奶出名有孝心，清明節一定準備好多食品及用品去掃墓，鴨蛋係其中一樣。雖然鴨蛋唔算普遍，但喺呢個時候，連雜貨店都會兼賣鮮鴨蛋。揀鴨蛋時我肥師奶最有心得，要揀啲蛋殼略帶青色，俗語所謂「青皮」嘅就謂之靚鴨蛋嘞。
$1/隻 雜貨店有售
文：肥師奶
攝影：陳盛晨