港台助理廣播處長（電視）張文新及亞視高級總裁鄺凱迎，昨日在港台公布《獅子山下》第一集播出的收視。
張文新表示：「亞視喺四月一號播出《獅子山下》嘅特輯時已經有九點，而周一第一集播出就有十點（約六十四萬人），我哋相信之後嗰幾集收視重會再上升，今次有呢個成績都有啲意外，亦都好開心，所以我哋唔排除會再添食，而且亦都有好多其他頻道同網頁同我哋傾緊播《獅子山下》，更有教育出版商斟我哋可唔可以將《獅子山下》嘅內容轉做教材。」
查實十點收視，對亞視來講，乃非常好的成績。據知亞視見《獅子山下》有好成績，正與港台斟洽再播出由王書麒及路家敏所主演的《小時候》。