財爺梁錦松公開承認同跳水皇后伏明霞相戀，點知跟住又爆咗單伏明霞同葉靜子不和嘅消息，葉靜子公司嘅人噚日話，靜子前晚已經返咗香港，噚日又去咗內地。
至於身為雪碧汽水代言人嘅伏明霞，今個月十三號，會去上海出席「雪碧榜頒獎禮」，同場嘅重有謝霆鋒、張柏芝、陳小春、容祖兒同Twins一班歌星。伏明霞近排因為「梁伏戀」而成為記者爭相採訪嘅對象，唔知佢喺當晚頒獎禮嘅風頭，會唔會蓋過「鋒芝戀」主角嘅霆鋒同張柏芝呢？
講起梁伏戀，呢單緋聞已成為國際級八卦料。八方噚日睇《InternationalHeraldTribune》，佢哋個類似「隔牆有耳」專欄都以此為題材，話梁錦松搭上共產黨精英，仕途無量。至於輸家，佢哋都話係煲呔曾；個作者ThomasCrampton重以「DonaldTrumped」為題，真抵死。
（圖）葉靜子被傳和伏明霞不和，近日一於全力寄情工作。
E-mail：