勁Game搶先睇：《GhostRecon》新加強片
《DesertSiege》臨場感一流

當初《GhostRecon》面世不久，玩家已經肯定遊戲會推出加強片。講真一隻咁出色嘅戰略射擊Game，唔出Expansion實在好浪費。所以《DesertSiege》嘅出現，絕對係Game迷一大喜訊，唔玩唔掂！

文：方樂鵬

8個新Mission4個新版圖
今次《DesertSiege》共包含八個單人玩Mission組成的新戰役和四個多人對戰版圖，數最緊張刺激嘅行動，筆者會揀Mission3。這個任務最大特色之處，是玩家必須以最快速度，比敵人更先一步將多份情報文件搶到手。比起其他可以慢慢進攻嘅任務，Mission3明顯帶畀玩家更大壓力，誠意推介。
鍾意打Night-Ops嘅玩家，Mission5亦同樣為你而設，行動中Ghost必須在沙漠地帶搜索獵戶偵察機的殘駭，並將它們徹底摧毀。由於任務在沒有月色的黑夜中進行，所以玩家將要全程依靠夜視鏡搜敵，臨場感堪稱一絕。

以留守秒數計得分
除咗新增Mission和對戰版圖之外，《DesertSeige》重加入咗兩款新對戰模式，分別為Domination以及Siege。投訴玩《GhostRecon》多人對戰節奏太慢嘅玩家，試過以下兩款新模式或者會改觀都未定！
Domination嘅遊戲重點為控制區域，在每個版圖中均布有多個編有號碼的地區，只要玩家成功進駐，遊戲便會以留守的秒數來計算積分，守得愈耐就愈高分。對戰雙方更可視乎戰況和兵力，佔領一個以上的區域以獲取更高分數。

一方守城一方進攻
Siege形式同《RogueSpear》嘅「Defend」相近，其中一Team人負責守護基地，另一方人馬則設法將其攻陷。留意被佔領的基本定義，是指攻堅的一方任何隊員，成功進入敵陣基地的「佔領區」，並保持生存狀態最少五秒。聽落雖然好容易，但玩開《GR》都知隻Game較傾向易守難攻，想贏真係唔容易。

新款新槍登場
第一身射擊Game推出加強片附送新武器已成指定動作。在《DesertSiege》之中將會有九款新槍械登場，包括為取代AK74而設計的俄製輕型突擊步槍A-91、H&KPSG-1狙擊步槍、以高準繩度和堅固著名的比利時製突擊步槍FN-FAL、俄製重型機槍PKM等等。

GhostRecon：DesertSiege
發行：UbiSoftEntertainment
開發：RedStormEntertainment
發售日期：今日（4月4日）
售價：約$150