中大校長李國章唔單止公關出名，佢嘅牙擦同架勢一樣出名，甚至想鯨吞教育學院。
佢喺港台「清談一點鐘」話教院只得訓練教師一種職能，無分設不同專科，例如訓練物理科教師，教院就冇物理科，同中大合併就可以填補佢嘅空白。
教院俾人踩到上心口，噚日就發聲明反駁，話教院有物理科，𠵱家無計劃同任何院校合併，重話李國章誤解教院嘅角色同學術架構，教院係本港唯一專注師訓嘅高等學府。
李校長叫教院「收檔」嘅用心其實好簡單，少個香爐少隻鬼，講到尾都係錢作怪！
（圖）李國章話教院可以同中大合併，搞到教院好不滿。
E-mail：