楊千嬅昨日為一個法國護膚品店做剪綵嘉賓，對於有傳王菲跟謝霆鋒分手，女方因而為情自殺，千嬅表示不信其事，她認為王菲的EQ足可應付這些壓力。千嬅表示治療失戀方法是旅行散心，她早前跟鄭中基分手，亦用此方法療傷。
楊千嬅昨日在九龍塘又一城的法國護膚品牌Biotherm專門店做剪綵嘉賓，她穿上白色上衣配貼身牛仔褲，十分青春。
對於有傳王菲因跟謝霆鋒分手，企圖自殺不遂，千嬅表示並不相信，她認為失戀沒有甚麼大不了，她當年失戀就去旅行來撫平傷痛。
近日有傳王菲因失戀而為情自殺，千嬅聞訊即說：「唔係啩，我冇睇報紙，阿菲（王菲）有EQ，佢可以應付呢啲壓力，我相信佢唔會咁做，都唔值得為情自殺，（失戀）唔開心一定有，但只要想得通就冇嘢。」
千嬅認為失戀沒甚麼大不了，她續說：「失戀咪一樣行得、食得、玩得，一樣開心，我會希望不停工作，咁個人可以充實啲。」
問千嬅當年跟前男友鄭中基分手時，她如何治療失戀傷痛，千嬅說：「我咪喺新年去過一次旅行，因為朋友都會打電話嚟問候，我希望避靜，所以離開香港。其實失戀都係一個階段，諗通之後，智慧會有增長。」
有指張柏芝是霆鋒跟王菲的第三者，千嬅說：「人哋啲私人嘢，我唔方便批評，自己活得開心咪夠，我覺得呢啲新聞好似輪籌同爭櫈仔咁，輪住嚟。」
此外，千嬅和李燦森前晚應邀做梅艷芳（阿梅）演唱會的嘉賓，她更為阿梅送上京都念慈菴的產品潤喉。
採訪、攝影：陳梅香