九倉上月開記者會公布業績時，一併宣布吳光正本月重任九倉及會德豐主席，當時，吳光正身處外地，八方未能親自問佢復出的因由。
噚日去貿發局午宴，吳氏以貿發局主席身分在場，八方當然要問吓呢件事。吳主席話早於一年半前辭任醫管局主席時，已經準備返公司任職，但當時又開始做貿發局，需要時間去熟悉環境，因此喺𠵱家才返公司。
不過，吳主席始終唔肯回答日後如何分配做生意及公職的時間，問及兩者有否衝突，或者佢有否打算退出政治舞台，佢就話，喺香港，政治和經濟大家都有關係，答案真係「玄之又玄」，八方始終唔知道吳光正係咪已經放棄再競逐特首。
（圖）吳光正再任九倉及會德豐主席。
E-mail：