今日係一年一度兒童節，大人或者未必會重視，因為唔係公眾假期，但對小朋友嚟講則係最值得高興。小記專誠邀請咗曾太一家人齊齊分工合作做咗兩款簡單嘅兒童節小食同各位小朋友慶祝，想感受吓佢哋一家人嘅歡樂，不妨也趁今日同仔仔或囡囡下廚，齊齊享受親子嘅樂趣啦！
記者：陳冰麗
攝影：陳盛臣
示範：沙田區讀者曾太及兩位仔仔
一隻隻金黃色嘅雞腿定能誘發小朋友食慾，配以用鮮橙汁及蜜糖所煮成嘅橙蜜蘸食，減少燥熱之外，酸甜嘅汁更有利食慾，何止小朋友啱食，大朋友都可以食埋一份。
材料：
雞腿4隻、麵包糠適量、蜜糖1湯匙、鮮橙1個、雞蛋1隻、麵粉少許
調味料：
豉油2茶匙、薑絲少許、糖1/4茶匙